Selamat Datang Di Situs Resmi Rumah Sakit Jiwa Aceh

PUISI : Vaksin by Husaini adnan

Kategori : Artikel Rabu, 17 Februari 2021 - Oleh humas

Assalamualaikum warah matullah
Jaroe dua blah ateuh jeumala
Arahan pak sekda bacut lon peugah
Geubi peutuah keu tanyoe dumna

Wahei teungku adun meutuah
Neu deungo bagah tentang corona
Beu neu pateh covid sikureung blah
Virus that juah ban saboh donya

Le that yg saket meimpah ruah
Covid sikureung cukop bahaya
Beu jioh tanyoe dari musibah
Neu bri le Allah jioh bak bala

Cuma useuha tanyoe beu ceudah
Ta peu siblah bahya corona
Ta pakek masker beuteutoup babah
Taduk beu luah beujareung banja

Ta suntik vaksin laju beu bagah
Umu lapan blah geu kheun pemula
limong sikureng bataih geupeugah
Ummi ngon ayah mandum beurata

Meubek ragu ummi ngon ayah
Vaksin nyan ceudah hana bahaya
Le pemerintah kaleuh geupeusah
Para ulama kaleuh geu fatwa

Tanyoe ta vaksin virus ta ceugah
Virus yang juah han le diteuka
Karena lam tuboh kana pencegah
Neubri le Allah ka jioh bak bala

Cukop sekian haba lon peugah
Meunan peutuah dari pak sekda
Ta lakee doa bak po teuh Allah
Aceh meutuah Hebat seujahtra

Banda Aceh 25/1/2021
Husaini adnan

 

comments powered by Disqus